ملتقى طلبة ذ ي قار
أنت غير مسجل في منتديات طلبة ذي قار . للتسجيل الرجاء إضغط هنـا


ملتقى طلبة العراق الاول في عالم النت اهلا بك من جديد معنا يا زائر نرحب بك ونتمنى لك قضاء اجمل الاوقات معنا.
 
البوابةالرئيسيةالتسجيلدخول

شاطر | 
 

 ادرس يا وطن /نائل مظفر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قصي الحسيني
مشــرف عـام
مشــرف عـام


 sms النص
عدد المساهمات : 33
مميز طلبة ذي قار : 300
تاريخ التسجيل : 15/05/2010
الموقع : http://www.facebook.com/confirmemail.php

مُساهمةموضوع: ادرس يا وطن /نائل مظفر   الجمعة أغسطس 06, 2010 4:27 am


إدرس يا وطن ما لحكت ربعك ليش

المفروض منك تاخذ إنت إعفاء

ناجح مدري راسب مدري طحت كمال

أنطيك النتيجة وتفرح وأستاء

صرت أشطر وطن عالعروبة إلبيك

وصفر كل العرب من الألف للباء

ولهذا السبب كسلان بالإعراب

ولهذا السبب ليهسه ماكو إنشاء

لأن كلك قواعد يا وطن مملوء

إنطيتك صفر يا وطن بالإملاء

وأمريكا وإختها يرفعن النفطات

وينصبن قواعد تنشر البيداء

والفاعل تحذفة وتبني عالمفعول

وشعبك المسكين معفول به بل حتى بالآباء

وبغداد وإختها أعربهن بيا حال

مكسورات خاطر هي والحدباء

وإعفيتك بالزراعة وهسة أكلك ليش

لأن صارت فحم كل أرضك الخضراء

ولأن أكثر بلد بيك إنزرع عبوات

وأسئلة الزراعة نحلها بالكيمياء

وباوعت على شعبك لكيتة كلة أموات

وإنطيتك صفر يا وطن بالأحياء

والتاريخ أصلآ ما أسألك بي

لأن بس هذا الدرس بي ماخذ إنت إعفاء

وصرت أكسل بلد إنت بالرياضيات

يحكمونك جبر وتكول إستفتاء

طرحتنا وضربتنا وقسمتنا هواي

وبعد ما ننجمع حاصل جمعنا أشلاء

وإحنا بدائرة ونصف المحيط ذياب

والمركز عميل ونص قطرها أعداء

مثلث سيني جنا وشيعي متوحدين

كسرتوا ضلوعنا وماتكفي بما جاء

وخذت مو بس صفر مية صفر بالدين

بيك حسين ميت والطغاة أحياء

بيك العسكري إلمازارة شيعي بطيف

مسجون بحضرتك بلا سقف جرداء

ومالك ينسرق سراقة معروفين

حتى الأعمى سألة يكول هولاء

ولا فتوة سمعت من كل رجال الدين

واسماك من العمايم تنفرش سوداء

إنسلب حقنا عليك والحسرة ما تنقاس

كبر حسرة فدك عد فاطمة الزهراء

الرجوع الى أعلى الصفحة اذهب الى الأسفل
 
ادرس يا وطن /نائل مظفر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى طلبة ذ ي قار  :: المنتديات الادبية :: || الشعر الشعبي ~-
انتقل الى: