ملتقى طلبة ذ ي قار
أنت غير مسجل في منتديات طلبة ذي قار . للتسجيل الرجاء إضغط هنـا


ملتقى طلبة العراق الاول في عالم النت اهلا بك من جديد معنا يا زائر نرحب بك ونتمنى لك قضاء اجمل الاوقات معنا.
 
البوابةالرئيسيةالتسجيلدخول

شاطر | 
 

 ومضات لأشواق تائهة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
السـاحــر
عضو ذهبي
عضو ذهبي



 sms كثيراً ما تنتهي الصداقة بالحب *
ولكن لا يمكن للحب أن ينتهي بصداقة*

عدد المساهمات : 134
مميز طلبة ذي قار : 1
تاريخ التسجيل : 16/03/2010
العمر : 32

مُساهمةموضوع: ومضات لأشواق تائهة    السبت يوليو 31, 2010 4:49 am

ومضات لأشواق تائهة
***
تسوة الدنية عندي إمن اكعد وياك
وبدونك كلشي ماتسوة دنيتي
إمن أطب لبيتكم اشبك على الباب
ويشبكك بابنا من تطب بيتي

جم محب حاول كدر ينسى الحبيب
وآنة من انساك اضل دايخ عليك
انتة حبك يختلف فد شي غريب
حتى نسيانك حلو يذكرني بيك


تحرجني بقصد وتطلع الروح
وأكل للروح مايقصد احراجي
أبو الطبع المزاجي شكد اكرهة
واموت إعليك يلطبعك مزاجي



محتاج لحنانك حيل محتاج
إومحد غيرك يسدلي إحتياجي
وإذا عطشان يلكة نهر مثلك
مامعقولة يفتر عالسواجي


جنت من روحي ضايج كبل ملكاك
إوكل ساعة اكل لروحي دروحي
هسة لا بعد من روحي ماضوج
اضوج شلون وأنتة الصرت روحي


إعلة غيرك مانحت مابية عالنوح
إوعليك شكد حلو إيونسني نوحي
وكضيت زيارتي بس اندعيلك
إونسيت وداعتك اندعي لروحي


أمس دورت إعلة روحي
إبداخلي شو ما لكيت
ثاري روحي وراج ظلت
امس عنج من مشيت
ودي بس بالليل اشوفك
وما أشوفك بالنهار
لأن من يمشي خيالك
وياك من عندة اغار




آه لو تدرين روحي
شكثر ملهوفة عليج
ماي بارد وآني صايم مشتهيج
وأرد أحط راسي إعلة صدرج
وارد أموت إبين إديج



منين ماأندار اشوفنك خيال
ويادرب امشيه الكاك الدرب
كون تنلم وبكبر كلبي تصير
حتى اذب كلبي واحطنك كلب



تعال وياي اكعد خل احاجيك ؟
اخذها وياك مارايد عشرتك
صح انتة نهر .. بس انة الك ماي
وصح انتة جبل .. بس انة قمتك !!



هاك اخذهه اعيون خضرت من جفاك
تبجي ليل انهار والمدمع مطر
هاك اخذهه اعيون ترفض كل حياة
الماتشوفك يوم جاشلهه ابنظر


احبك حب امك ماحبتك مثله
ولا ابوك واخوتك وكل غواليك
صدكني لو بينت صوتك لهاي الناس
جا فتحت روتانا بس لاغانيك


عين بعين تلاگينا , عند الباب.
ردتــلي الســلام بشــفه ورديـــة
گالتلي تعال بطرف الاهـداب
أظم روحي على روحك مية بالمية


اگلك عـالمر والمـضه جم يـوم
بس لا عـــبالـك انــه احبـيتـك
واگلك حجولي اشكال والــــوان
ومن صيت الردي جابو بصيتك



صار سنين تبعد وانة امر بيك
وانتة أدري وردة وخاف ادوسك
واذا عالخد ابوسك حتة اراضيك
اضل كلساع ازعلك حتة ابوسك


انته وآنه
شموع نضوي ونطرد الوحشه بضوانه
انته وآنه
خلك شاعر تاكل بروحه القصيدة
ويمطر اعله الكل حنانه



لو تجيني العين ماتغله عليك
المن انه بدونك مخليها
بعد ماأحتاجها وباجر تجيك
بس تعال الليله اشوفك بيها


لأن مشتاكلك قررت احاجيك
وعليك آنة إسألت كل ضني الكاك
وكفت إكبال بابك عود اتانيك
شفت ظلي طلع يتمشة وياك



حياة الشوك بية..وشوفتك موت
صحيح مزاعلك..بس اصبر شلون
اخيط اشفافي واسكت..واذبح الصوت
بس لمن تشوفك تحجي العيون




تكلب بالجريدة جفوفها الحلوات
وذاك اليوم جانت قاسية علينة
مو زينة الاخبار الصادرة ومأسات
ومن كضتها كلها اتحولت زينة




نخاف عليك من عيون الذياب
بوسط عين المحنة انضمك انريد
ياأول حزين ابعالم الاه
من رموش عينك نكط العيد



حاجز لاتخلي الباب فد يوم
من عين البشر لاتنحسد خاف
يبو وجهه اليشع ياباب اليفيد
سور الصين لو خليته تنشاف




حقي من اختصر وياك بالشوف
مو سهلة القضية وحيل خطرة
ضامي وخاف اخلصك من اصد ليك
لذلك كمت اشوفك قطرة قطرة



جمعة وسبت عطلة اتسوي الاسلام
وعلى كلبي المصايب لملوها
كبل بس جمعة جانت تكضي بالموت
سبت منين جابو كملوها
لو يدرون الها شكثر اشتاك
چا عشرة محرم داوموها




تسمع غير صوتك اذني متريد
واعيد يوم اذا صوتك اجاني
كون الصوت بالجف يلزم كون
واجيب الصوت من حلكك لاذاني




كلب ثاني جبت حتة اكدر انساك
صارت كارثة وحبك الثاني
عليك تعاركو هذا كتل ذاك
وزعل كلب علة كلبي وموتاني



احبك حب ما مر على انسان......
وتدري شكد احبك راح افهمك......
احلمت انه بالجنه وانت بالنار.....
كمت اكفر حتى انتقل يمك.......
الرجوع الى أعلى الصفحة اذهب الى الأسفل
http://tahaalnassiri@yahoo.co.uk
 
ومضات لأشواق تائهة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى طلبة ذ ي قار  :: المنتديات الادبية :: || الشعر الشعبي ~-
انتقل الى: