ملتقى طلبة ذ ي قار
أنت غير مسجل في منتديات طلبة ذي قار . للتسجيل الرجاء إضغط هنـا


ملتقى طلبة العراق الاول في عالم النت اهلا بك من جديد معنا يا زائر نرحب بك ونتمنى لك قضاء اجمل الاوقات معنا.
 
البوابةالرئيسيةالتسجيلدخول

شاطر | 
 

 الحب الاول -للشاعر الكبير ( نائل المظفر )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
!.هـمـسآتے رجْـلـے.! ,
المـراقب الـــعام
المـراقب الـــعام



 sms [
عدد المساهمات : 560
مميز طلبة ذي قار : 0
تاريخ التسجيل : 07/03/2009
العمر : 30
الموقع : العراق

مُساهمةموضوع: الحب الاول -للشاعر الكبير ( نائل المظفر )   الخميس مارس 11, 2010 11:52 pm

اجمل اشعار الشاعر الكبير نائل المظفر اتمنى ان تعجبكم تحياتي



الحــــــــــــــــــــــــــــــــــــــــب الاول


لأنك بالتزامك مو من اهلك
اخاف تشيل ذنبي مو من اهلك
منو بگدي يحبك مو من اهلك
منو بگدي يحبك من عشرتك
وتمنه يصير اصبع من عشرتك
وانه شگضيت خايب من عشرتك
اعد بسنين عشرتنه وهي جروح
وحس ويه النفس يطلع وهج روح
واخيراً كتلي ودعني وهج روح
اروحن وين ماگدر هوه انته
وانه الماهان من اجلك هونته
الي بدنياي شي واحد هو انته
وحرت بين ان تبعته وان تركته
وانه الونيت والوّن ون تبعته
ماباعك حبيبك وانته بعته
حبيبك باع عمره واشترك بي
وحزن گلبي اعله حزنك واشترك بي
بعد شتدوس گلبي وشترگ بي
جبل حبه وتگلگل لن تگل بي
يادنيا شمادفعتي لن تگلبي
واذا تنسا يگلبي لانته گلبي
ولاريدك بعد وبصدري احملك
حبيبي شلون ترضه بصد رحم لك
اذا حملك يتعبك بصدري احملك
الي وروح الارض وشگد دولها
وتداوي الداء لو بالمخ دولها
بس العين مايحصل دوه الها
دواها العين خلها من تقر بي
وتصب كل ماتشوفك منته قربي
ولك شيصير حبك من تقر بي
وتحبني انته يقين بصدري مو شك
الف شوكة السكوت بصدري مو شك
انذبح گلبي وتشضه بصد رموشك
وعرف محد يدفنه وشي دفن شي
وعگب صده المواگد شي دفن شي
كفر من رسم غيرك شي دفنشي
واظن للجنة يدخل من يرسمك
حبيبك يمسح اسمه من يرى اسمك
بسمك حبي جمالك من يرى اسمك
وانه الليل بعيونك شفته كحله
وشفت شمس الاصيل وشفتك احله
العسل من ضگته گلك شفتك احله
اذاً لو من شفاهك بستك اشفه
اذا انته المات يعدل بس تكشفه
شتظن حبك يضعفك بس تكشفه؟
وعليّ تخفي اهتمامك واكتراثك
وانه المن مات گلبي وكتي راثك
نسيت الحب الاول واكتراثك؟
صدگ ينسه تراثه هسه جيلك؟
وتشوف سواجي عيني هسجي لك
وانادي وماتگلي هسه اجيلك ؟
صحتلك يــــا وصارت كبري يـائي
واذا رائيت بالشط كب ريائي
حبيبي شلون تجرح كبريائي ؟
وتذلني گبال كل ناسك وناسي
وبقيت بصحره شاتلني وناسي
ناس تگول لا تسكت وناس اي
لأن كلش مذلتي لاگتلهم
وجبل حبي المقدس لاگه تلهم
گالوا حيل ذلّك لا كتلهم
عناية احتاج گلبه وجاي اعاني
وخفيت شكثر منك جاي اعاني
تمرمرني من ازورك جايع اني ؟
شكثر ندمان چي بيتك عتبته
وعرفني الباب من دگتي وعتبته
عتابي وياك چي احبك عتبته
گلبي شلون يمهم وكّسرته
اسير وذل شجالك وك اسرته
قبل جانت اسرتك وك اسرته
اسرتك هسه سمتني الضحية

_________________

الرجوع الى أعلى الصفحة اذهب الى الأسفل
القلب العاشق
عضو ذهبي
عضو ذهبي


 sms النص
عدد المساهمات : 27
مميز طلبة ذي قار : 2
تاريخ التسجيل : 06/03/2010
العمر : 28
الموقع : العــــــــــراق /ذي قار

مُساهمةموضوع: رد: الحب الاول -للشاعر الكبير ( نائل المظفر )   الجمعة أبريل 02, 2010 10:44 pm

عاشتــ أيدكــ علىــ القصيدهــ الاكثر

منــ روعهــ تقبليــ مرروورريـ
__________________
الرجوع الى أعلى الصفحة اذهب الى الأسفل
 
الحب الاول -للشاعر الكبير ( نائل المظفر )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى طلبة ذ ي قار  :: المنتديات الادبية :: || الشعر الشعبي ~-
انتقل الى: