ملتقى طلبة ذ ي قار
أنت غير مسجل في منتديات طلبة ذي قار . للتسجيل الرجاء إضغط هنـا


ملتقى طلبة العراق الاول في عالم النت اهلا بك من جديد معنا يا زائر نرحب بك ونتمنى لك قضاء اجمل الاوقات معنا.
 
البوابةالرئيسيةالتسجيلدخول

شاطر | 
 

 ناي بليله تنزف نغمة وداع لشاعر الناصريه ميثاق الهلالي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هواجس
مشـرف
مشـرف


 sms النص
عدد المساهمات : 30
مميز طلبة ذي قار : 0
تاريخ التسجيل : 28/02/2010
العمر : 24

مُساهمةموضوع: ناي بليله تنزف نغمة وداع لشاعر الناصريه ميثاق الهلالي   الإثنين مارس 01, 2010 11:39 pm

ناي بليله تنزف نغمة وداع
أشتهيتك وانچفت حفنة سوالف


صبح ضحكاتك وليل الدمع ذاك
وحياة عيونك وموت الشفايف...


أنه بطور الخريف وغيبتك ريح
بغصن ذبلان شتسوي العواصف؟!!


وعمر تانيت طيفك ياخذالعين
وردت صوتك يمر..ومرني خايف ....


فرق مابين صوتك واليكرهوك
فرق السجن وگلوب المضايف..


بعدني أذكر ضحكتك وأذبل فراگ
ولهسه بّاب صوتك عقلي واگف..


عود الناس مثلك تهمس وياي
أخلافك كلهن اسمعهن قذايف!..


بطرگ ساتر غيابك مابقه سلاح
الحچي ينزل رصاص وآنه اشاگف=


بديه ... وينتهي دور البطولات
وتخطف ذكرياتك والسوالف..

وأحن لكلشي بيك وكلهن ثگال
صوتك عينك أسمك والشفايف


لطفولتنه لدمعنه لكلشي حنيت
لبساطتنه لذهب ليل الصرايف....


لحچايات أهلنه لبيض الگلوب
لسياسة مستحه تحل المواقف..


الچانوا عنك يگلولي أنساه
وأگلهم مايخالف حته أخالف.


أنسه شلون وانت بجرحي مرسوم!
شما يبچي الجرح تنزل عواطف..


شگد جروح تنزف بيه وتموت
بس جرحك كتلني وبعده نازف ..


وگبلك شايف وعايف عصافير
بس من شفتك ولاچني شايف..


چنت چم مره تخطف خطفة الريل
وين الله وتظل هالمره واگف..


خلافك تايه مسافر بالوجوه
شكثر صاحو وراي ومااوالف...


وشگد حاولوا بس مادرت بال
شلون ألتذ بغيرك وانه حالف!!


ألك ضميت كلشي شفافي والناي
خاطر من تجي توّن الصرايف...


ولو شمسك طفت بس راح أتانيك
وأضم دفتر جروحك والمصاحف..


وعله أطراف المدينه أزرعلك عيون
وتمر وتشوفهه تبچّي المشارف


وّلو لمن تجي حاسبلك تروح
وأموت بروحتك بس راح أجازف ..


ياهو الگالك خلصت سلامات!
وياهو الگالك صارت سوالف!!


من شوغة حزن لحچاية وداع
(وصرتلك سالفه بحلگ الطوايف)


وصرت لوحة جرح من خنجرك ذاك
وّلاغربه اشترتني ولامعارف..


صرت لوحة جرح بالنزف ماطار
و مثل طرّك بگلبي السيف ماطار
أنكسر جنحي بعد لتخاف ماطار
بقفص.. بره القفص.. نفس القضيه


ميثاق الهلالي
الرجوع الى أعلى الصفحة اذهب الى الأسفل
!.هـمـسآتے رجْـلـے.! ,
المـراقب الـــعام
المـراقب الـــعام



 sms [
عدد المساهمات : 560
مميز طلبة ذي قار : 0
تاريخ التسجيل : 07/03/2009
العمر : 30
الموقع : العراق

مُساهمةموضوع: رد: ناي بليله تنزف نغمة وداع لشاعر الناصريه ميثاق الهلالي   الثلاثاء مارس 02, 2010 3:14 am

يسلموا خيتووو
على القصيدة
وعلى المجهود
لاتحرمينا من جديد
..........................
تحياتي

_________________

الرجوع الى أعلى الصفحة اذهب الى الأسفل
 
ناي بليله تنزف نغمة وداع لشاعر الناصريه ميثاق الهلالي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى طلبة ذ ي قار  :: المنتديات الادبية :: || الشعر الشعبي ~-
انتقل الى: