ملتقى طلبة ذ ي قار
أنت غير مسجل في منتديات طلبة ذي قار . للتسجيل الرجاء إضغط هنـا


ملتقى طلبة العراق الاول في عالم النت اهلا بك من جديد معنا يا زائر نرحب بك ونتمنى لك قضاء اجمل الاوقات معنا.
 
البوابةالرئيسيةالتسجيلدخول

شاطر | 
 

 ميلاد جرحي حصريا 2010 للمبدع ايهاب المالكي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هواجس
مشـرف
مشـرف


 sms النص
عدد المساهمات : 30
مميز طلبة ذي قار : 0
تاريخ التسجيل : 28/02/2010
العمر : 24

مُساهمةموضوع: ميلاد جرحي حصريا 2010 للمبدع ايهاب المالكي   الإثنين مارس 01, 2010 11:22 pm

ميــــــــــــــــــــــــــــــــــــــلاد جرحــــــــــــــــــي
انه بميلاد جرحي اليوم غنيت
او جبت جكليت بيدي وشمعه وحده
او سهرت الليل اناطر شمعتي اتذوب
اعد ساعات ليلي ودمعي اعده
على ضماد الجرح طشيت جكليت
او على اكتاره بدّي خليت ورده
او جبت خنجر هدية عيد ميلاد
وبجرحي الرطب بهداي احده
كتبت اسمك ابورقه او كلت موجود
اوجن اتكول صوتك يمي بعده
تهمسلي واكلك وين ماوين؟
ماشفتك حبيبي صار مده؟
من يوم الرحت وعيوني لليوم
طيف ابغيرشوفك ماتوده
خليني الك بعده النفس بيك
واذا ضدنه الوكت خنصير ضده
ولا تزعل عليه اوغيضك امحيه
والراح امنديك اليوم رده
حبيبي ارجوك مابيه احمل اعتاب
او باب الذكريات ارجوك سده
تره ابلياك عمري ايام محسوب
يوم براحه اعيش او يوم شده
سنه ولاما نسيتك دوم علبال
او غيرك من يجيني ابلحظه اصده
اوكلبي لغير كلبك مارجف يوم
ولو كلبك نساني اوصار نده
انه وانته حبيبي وعيد ميلاد
عساهه ماكضت هاي المسيه
اولوادري تجيني اليوم ورتاح
صدّك ماجبت خنجر هديه
جاجبت العمر والروح والعين
منيتهن بديك اجمل منيه
حبيبي اكبال عيني وليل وشموع
اواديه مافاركنهن ذني اديه
هم يلفي الصبح وبغيرك اكضيه؟
اواكول البارحه جنه سويه
لا ماظن بعد تتحمل الروح
سنه او فوك السنه تحمل اذيه
حبيبي انه ادري بيك ابغيري مهموم
او ادري ابكلبك اصبح مواليه
لكن موبديه الروح تهواك
او تفرح من تجي وتصير يمي
اوازيل اهموم عمري ابشوفتك يوم

احسن بيك ماي امن اعطش اتصير
او احس بمحبتك تجري ويدمي
سميتك حبيبي او اغلى الاسماء
ونته بكيفك شمتريد سمي
بعتني ابيوم وانه امناطر اسنين
وانه للحين اريدك تشتريني
خلص ميلاد جرحي وخلص الليل
اوبده فجر النهار اتشوفه عيني
اوطفت شمعتنه ستكه والشمع ذاب
اوغفه جرحي اوبده يحسب اسنيني
اوبقيت الوحدي ادورك وين موجود
وانه ادري ابغيابك ماتجيني
اثاري الليل ذاك الراح حلمان
اوخيال الجان مابينك وبيني

تحياتي
الرجوع الى أعلى الصفحة اذهب الى الأسفل
 
ميلاد جرحي حصريا 2010 للمبدع ايهاب المالكي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» أدم رافتش = مصور الغرائب يصور في اخطر المناطق في العالم حيث الوحوش البرية ووحوش الماء
» انواع الطراح
» تطريز الضرس المغربي
» اغنيه لعيون المدريدين
» موضوع علمي غريب عن القفاز العجيب

صلاحيات هذا المنتدى:لاتستطيع الرد على المواضيع في هذا المنتدى
ملتقى طلبة ذ ي قار  :: المنتديات الادبية :: || الشعر الشعبي ~-
انتقل الى: