ملتقى طلبة ذ ي قار
أنت غير مسجل في منتديات طلبة ذي قار . للتسجيل الرجاء إضغط هنـا


ملتقى طلبة العراق الاول في عالم النت اهلا بك من جديد معنا يا زائر نرحب بك ونتمنى لك قضاء اجمل الاوقات معنا.
 
البوابةالرئيسيةالتسجيلدخول

شاطر | 
 

 خدك يكهرررررررررررررررب!!!!!! للمبدع عبد الحسين الحلفي ؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عـ-ـلـ-ـوكي
المدير العام
المدير العام



 sms مدير منتديات طلبة ذي قار
عدد المساهمات : 412
مميز طلبة ذي قار : 3
تاريخ التسجيل : 03/01/2009
العمر : 31

مُساهمةموضوع: خدك يكهرررررررررررررررب!!!!!! للمبدع عبد الحسين الحلفي ؟؟؟؟؟    الإثنين سبتمبر 27, 2010 6:40 am

كل حلو ينباس بس أنته الوحيد
دخنا بيك وعدنا صارت هوسة

خدك يكهرب واليبوسه يطيح
كمنا من بعيد ناخذ بوسه

أبخدمتك عمي شنهي تريد بس كول
أجيب الي تريده صلاله بالأيد

وإذا متريد كلشي كول هم صار
أبخدمتك هم أجيب الكلشي متريد

مسح تحديد للكل أنه سويت
وأسمك هم بقت بالذات تحديد

عدا صوتك نشاز بأذني أي صوت
وحتى الصرخة منك جنها تغريد

نعم غيرك أكو حلوين وهواي
لجن بس أنته أصلي وهما تقليد

ما أشتهي اليوم أحجي ويغيرك
ولاتشتهي عيوني لغيرك تشوف

تدري شكد لهفتي عليك يافلان
أبكد ضيم العراق عليك ملهوف

تسحك عالقلب صدكني ماضوج
بس أنه عالمودك عايش بخوف

لأن قلبي درب وجروحي عثرات
وأخاف أتطيح من تسحك بلاشوف

شكلك أنه أحبك والله غلطان
لأن حتى الأحبك ناقصة حروف

وصل حبي الك حد ماهو معقول
بحيث وياي أنته وأنه مشتاك

تشابكني وتشاقيني وأشاقيك
وأصيح الله وأكبر بسك فراك

ملك أمشي عالطولي وأنته وياي
ومن تبعد أدنك وأخذ الراك

وبس أنته عليك تشخص الناس
من كد ماحلو من بعيد تنباك

وصاير بوك بالحب هاي الأيام
لذالك ما أعوفك خاف تنباك

وإذا لاسامح الله بيوم باكوك
وداعاً يافرح ومرحباً يابجاي

قبل لاشوفك أنه تولعت بيك
وقبل لانلتقي سميتك هواي

مافك باب بيتي شما يدكون
وفتحتلك باب بيتي وأنته ماجاي

وجيت وعركة صارت بين العيون
عليك عيوني هاي تصد قبل هاي

إذا غثيتني يصير الصبح ليل
وإذا تضحكلي يشرق ليل دنياي

من تروح أصوم ويجي رمضان
ومن ترجع أأذن وأشرب الماي
************************************************** **********
للحلفي عبد الحسين المبدع

_________________
الرجوع الى أعلى الصفحة اذهب الى الأسفل
http://talaba.iowoi.org
ريح الصبا
عضو ذهبي
عضو ذهبي


 sms عضو منتديات طلبة ذي قار
عدد المساهمات : 31
مميز طلبة ذي قار : 300
تاريخ التسجيل : 26/09/2010

مُساهمةموضوع: رد: خدك يكهرررررررررررررررب!!!!!! للمبدع عبد الحسين الحلفي ؟؟؟؟؟    الإثنين سبتمبر 27, 2010 6:48 pm

تسلم على هذه القصيدة الرائعة ... ويارب يعجبك هذا الرد .. وتقبل تحياتي..

كل الخلك تنباس بس البيك دخنه من ياجهه نبوسه
خدك بيه شرار ونار, خدك جنة الفردوس محروســه
بخدمتك كلبي وروحي ماي العين لو بعد مني تريـــد
آني شأسوي بماي العين وبعدكم كلي بعد شيفيـــد
اسمك بالذاكره محفور وانته لكل اساميها تصيــد
صوتك ناي يدلي المتيهين وأصوات الناس فزع ورعيد
نعم غيرك أكو حلوين بس أنته المنهم أحبه وحيـد
وماتشتهي روحي لغيرك تسولف وعيني ماتقبـل تشوف
تدري شكد لهفتي عليك يفلان بكد مايلم ليلي طيوف
دوس على الكلب وأعبرأكلك سمح دربك مالفاه الخوف
هاك روحي العذباهه اجفاك وخلها بروحك تحـــوف
كتبت اسمك على كلبي برمجه واحساس بيه رقم وحروف
انته بشرايين الكلب انته بكلبي وآنه إلك مشتاك
تشابكني وتشاقيني وأكلك ضمني بروحك كافي فـــراك
برهاوه أمشي وياك عله طولي ومن تبعدأذل وأنساك
أخاف عليك من هالناس عله ليله مني الحلو ينباك
كثر بوك الحب هاي الايام وصار الحب مشتره ومسواك
واذا فد يوم باكوك مناحه تصير عزه وأزيد بجـاي
كبل لاأشوفك بيك الكلب ولهان وصرت للكلب منواي
قفلت الباب وباب كلبي ماينفتح للرايج وللجـاي
تيهت دربي وصرت ماشوف عيوني تعازلن ويــــاي
حياتي انته ونبض يسري بشراييني وانته شمس دنياي
وحشه الدنيه بفراكك من تروح, صايم وانته الماي
الرجوع الى أعلى الصفحة اذهب الى الأسفل
 
خدك يكهرررررررررررررررب!!!!!! للمبدع عبد الحسين الحلفي ؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى طلبة ذ ي قار  :: المنتديات الادبية :: || الشعر الشعبي ~-
انتقل الى: